50-åringen frå Bekkjarvik tek dermed på seg same vervet faren Inge Halstensen hadde i ei årrekkje tidleg på 2000-talet. Fiskebåt er ein organisasjon som organiserer mange av reiarlaga i havfiskeflåten, men har hatt ei avskaling til Pelagisk forening, som står på ei anna line når det kjem til strukturpolitikk. Det er ei rekke krevjande prosessar som ventar den nye styreleiaren.
– Fiskeflåten står framfor mange store utfordringar. Det blir difor viktig å arbeida for føreseielegheit og stabilitet både i lovgjeving og rammeverk, seier Halstensen i ei pressemelding.
Christian Strand Halstensen tar over leiarvervet etter Jonny Berfjord, som går av etter åtte år som styreleiar i Fiskebåt.
Halstensen er utdanna jurist frå Universitetet i Bergen i 1999, og har deretter jobba i familiereiarlaget. Halstensen-reiarlaget har fartøy både innan pelagisk- og kvitfisksektoren.
Fiskebåt – havfiskeflåtens organisasjon, er ein arbeidsgivar- og interesseorganisasjon for den havgåande fiskeflåten. Det er rundt 200 medlemsfartøy i organisasjonen, som er ein aktiv pådrivar i politiske prosessar, framgår det av pressemeldinga.