Vestland fylkeskommune vil satsa på auka tilrettelegging for bruk av den lange kystlinja fylket har. Difor tar fylket ei koordinerande rolle i arbeidet med prosjektet «Ro- og padleturer i Vestland».
Det skriv fylkeskommunen i ei pressemelding.
Kommunar og friluftsorganisasjonar kan få støtte til kartlegging og fysisk tilrettelegging.
Døme på kartlegging kan vera å skaffa seg oversikt over sjølve ro- og padlerutene og over infrastruktur. Fysisk tilrettelegging kan vera skilting, bygging av ramper og bryggjer og utbetring av fasilitetar.
Fristen om å søkja er sett til 15. september.