Austevoll 1 og Austevoll 2: Frå venstre: Ragnhild Sandtorv, Signe Klepsvik, Elise Drønen, Eduards Gaikis, Matteus Danos Vinnes, Mariann Våge, Tobias Bjånesø, Maximilian Vik, lærar Jon Einar Kvåle, Thea Våge, Ingeborg Marie Skår, Cathrine Marie Østervold, Kristian Karlsen, Oskar Martin Olsen Fagerbakke, Augustin Stevnebø Gjerde, William Larsen Njåstad og Anna Vercesi.
Austevoll 1 og Austevoll 2: Frå venstre: Ragnhild Sandtorv, Signe Klepsvik, Elise Drønen, Eduards Gaikis, Matteus Danos Vinnes, Mariann Våge, Tobias Bjånesø, Maximilian Vik, lærar Jon Einar Kvåle, Thea Våge, Ingeborg Marie Skår, Cathrine Marie Østervold, Kristian Karlsen, Oskar Martin Olsen Fagerbakke, Augustin Stevnebø Gjerde, William Larsen Njåstad og Anna Vercesi.

Gull og sølv til Austevoll ungdomsskule

Førre veka stilte ungdomsskulen med to lag i mix-konkurransen i ungdomsskulemeisterskap i volleyball for ungdomsskular i Hordaland. Austevoll 1 og Austevoll 2 kom heim att med gulv og sølv i kofferten.

Arrangementet fann stad i Haukelandshallen i Årstad bydel i Bergen. Totalt vart det konkurrert i dei tre klassane gutar, jenter og mix. Kapteinane på dei to laga Matteus Danos Vinnes og Thea Våge tykkjer det var ein gøy oppleving å vera med på meisterskapet.

– Me hadde ikkje trudd med skulle koma så langt. Det er gøy og me slepp skulen, smiler Matteus, som elles spelar fotball, og Thea, som er aktiv innan symjing på fritida.

– Det har vore ungdomsskulemeisterskap i volleyball i Hordaland i mange år, og Austevoll ungdomsskule har hatt for vane å delta med to lag i mix-konkurransen, fortel lærarJon Einar Kvåle som var med til turneringa som coach.

Så vart det koronastopp i to år, men stilte att også i år med to lag i mix-konkurransen.

Eit mixa lag betyr at det er tre gutar og tre jenter på banen, og dei to laga til ungdomsskulen bestod av fire gutar og fire jenter kvar.

– Dei vart uttekne blant elevar som spelar volleyball i lunsjpausen, fortel Jon Einar og held fram: Det er det høve til tre dagar i veka, og alle elevane kan vera med om dei har lyst.

– Det var flott stemning på veg heim att frå turneringa, då me ikkje forventa å gjera det så godt, avsluttar Jon Einar Kvåle.