Med hovudlykt kan du gå tur ute sjølv om det er mørkt. Foto: André Marton Pedersen.
Med hovudlykt kan du gå tur ute sjølv om det er mørkt. Foto: André Marton Pedersen.

Uteaktivitetar for romjula

Den verste julestria er kanskje over for mange, og romjula er ei tid for rolege dagar. Det kan føra til mykje innetid, men det finst òg gode moglegheiter for uteopplevingar.

Før julaftan er det mykje som skal ordnast, kjøpast, bakast og pyntast, og mykje me føler me må. Etterpå kjem dei litt rolegare romjulsdagane, og då er det fint å kunne nyte fridagane om ein har det.

– Mitt beste tips denne jula er å invitera nokon du er glad i med på ein koseleg juleaktivitet. Det kan gi ein skikkeleg stemningsboost å vera ute i frisk luft, seier Bente Lier, generalsekretær i fellesorganisasjonen Norsk Friluftsliv.

Dei nasjonale smittevernreglane er tydelege på at me framleis kan møtast utandørs.

– I desembermørket er det ein heilt eigen stemning og ro ute i skogen som ein må oppleva, påpeiker Lier.

Bål hører til på vintertur. Foto: John Petter Nordbø

Pustepausar

– Å koma seg ut i naturen kan vera ein fin måte å få litt avstand frå alt anna som stel merksemd i kvardagen, seier Dag Terje Klarp Solvang, generalsekretær i Den Norske Turistforening (DNT).

Klarp Solvang oppfordrar alle til å ta seg tid til pustepausar og kjenna på julefreden på tur. Han tipsar om å oppsøkja nye turmål, eller kanskje å finne på morosame uteaktivitetar for barna.

Ein er heller ikkje avhengig av snø for å gjennomføra mange av aktivitetane.

Tips til uteaktivitetar

* Ta eit isbad: Å ta eit vinterbad er sunt. Pass på tryggleiken til alle som skal bada og følg med på kvarandre. Ullsokkar og hue mens du badar er også eit lurt tips.

* Bålkos: Eit varmande bål og noko godt og varmt i koppen gir gode moglegheiter til å ta eit djupt utpust og la julefreden senke seg.

* Gå tur med hovudlykt: Utstyrt med ei hovudlykt eller lommelykt kan ein gå tur ute sjølv om det er mørkt ute. Det er noko heilt spesielt med å gå tur i mørket, og lytte til skogen.

* Nyt eit måltid ute: Anten om det er julefrukosten eller romjulsselskapet, er det spennande å prøve noko nytt. Kanskje du pakkar med favorittane får julefrukostbordet for ein frisk start på dagen, eller tar middagen på bålet om kvelden.

Kjelder: Norsk Friluftsliv og DNT