Fleire artar står i fare for å forsvinna frå Vestland fylke. ifølgje ein ny rapport presentert av Statsforvaltaren i Vestland. Rapporten har undersøkt utviklinga for sjøfuglane i perioden 2014-2020, skriv NRK Vestland.
– I praksis er nær to tredelar av sjøfuglartane i norske område raudlista, fortel seniorforskar i Norsk institutt for naturforsking (Nina), Tycho Anker-Nilssen.
Forskaren seier at mykje av forklaringa ligg i mattilgangen. Klimavariasjonar og klimaendringar påverkar matfatet til fuglane, men òg faktorar som arealbeslag, fiskeri og forureiningar.
Lundefuglane er blant dei mest talrike sjøfuglane vi har, men nedgangen er likevel stor.
I norske område har bestanden blitt redusert med tre firedelar. I 1979 kunne ein måle 1,4 millionar hekkande par på fuglefjella på Røst, i år var talet 215.000.