Siberian huskyen Sky (5 1/2) vart etter alt å døma stolen frå luftegarden sin tidleg laurdagskvelden.
Siberian huskyen Sky (5 1/2) vart etter alt å døma stolen frå luftegarden sin tidleg laurdagskvelden.

Fann hunden skadd på Hufthamar

Laurdagskvelden mellom klokka 18 og 20 forsvann den sibirske huskyen Sky frå luftegarden sin på Sætre, Selbjørn. Eigar Ola Haraldseid fann hunden skadd i 12-tida sundag.

– Me skulle gje yngstemann kveldsmat og leggja han. Då set me Sky ut i luftegarden. Klokka 20, då eg førebudde meg på å gå tur med han, var hengjelåsen klypt, halsbandet med namn og kontaktnummer forsvunne teken av og lagt attende i hundegarden, seier Ola Haraldseid etter ei søvnlaus natt med lysing og køyring langs vegane.

– Eg melde frå til politiet  nesten med ein gong, då eg såg korleis nokon hadde teke seg inn i hundegarden, seier Haraldseid sundag.

Sundag rundt lunsj vart Sky funnen mørbanka på Hufthamar. Han halta og ynka seg når eigaren klemde på brystkassen.

– No dreg eg rett heim og skiftar og hiv meg på fyrste ferja til veterinæren på Stord, seier eigaren mildt letta, men framleis uroleg for hunden sin.