Austevoll-politioet fekk stoppa hampdyrkarane før dei kom så langt som å planta på lokaliteten. Illustrasjonsfoto: iStockphoto/ grandriver.
Austevoll-politioet fekk stoppa hampdyrkarane før dei kom så langt som å planta på lokaliteten. Illustrasjonsfoto: iStockphoto/ grandriver.

Fekk stogga canabisplantasje

Politiet i Austevoll meiner dei har gjort beslag i utstyr som skulle blitt brukt til å dyrka canabisplanter. Då dei rykka ut var det ikkje frø eller planter på plass enno, opplyser politifyrstebetjent Vidar Mjåtvedt.

Saka har forgreiningar til Bergen, og dei som stod bak den planlagde plantasjen er ikkje å rekna som austevollingar. Lokaliteten som var planlagd til å bruka til «drivhus» var leigd på øyane.

– Me fann mørketelt og varmeelement i ein slik storleik at det står klart at det ikkje var tenkt til privat bruk, seier Mjåtvedt i Austevoll-politiet til Marsteinen. Nærare informasjon ynskjer dei ikkje å gje, delvis grunna etterforskinga og for å skjerma utleigare.

– Ein kan setja opp slike anlegg kor hen som helst. Det viktigaste for aktørane er av det er avskjerma for innsyn, meiner Mjåtvedt, som mest av alt er glad for å stogga plantasjen før han kom opp og gjekk.