1 500 kilo frå vika like nord om Rongja på Hundvåkøy vart fangsten denne veka for frivillige frå bysida.  Foto: André Marton Pedersen
1 500 kilo frå vika like nord om Rongja på Hundvåkøy vart fangsten denne veka for frivillige frå bysida. Foto: André Marton Pedersen

Nasjonal strandryddedag laurdag

Frivillige frå fastlandet tok denne veka fatt med å rydda ei vik vest på Hundvåkøy, Bovika. 1 500 kilo med søppel vart fjerna frå vika. I morgon er det Nasjonal strandryddedag, og SIM opnar opp for gratis levering av marint avfall i Porsdalen.

Medan kommunen i år ikkje set ut konteinerar i samband med den nasjonale strandryddedagen, er Sunnhordland interkommunale miljøverk open for å ta i mot det du plukkar. Lag og organisasjonar kan jamvel tena seg ein 100-lapp per sekk om dei dokumenterer innsatsen, skriv pressekontakt Janne Hillersøy i SIM til Marsteinen, og viser til søknadsskjema på nettsida deira.

Korleis det gjekk i Bovika kan du lesa på Bergen og Hordaland turlag sine verdsvevsider.