"Trollfjord" ved kai på Salthella onsdag. Foto: Wenche Toft/Austevoll forlag.
"Trollfjord" ved kai på Salthella onsdag. Foto: Wenche Toft/Austevoll forlag.

Hurtigruten til Salthella

Hurtigruteskipet «Trollfjord» klappa til kai på Salthella onsdagsmorgon. Austevoll Elektro skal installera landstraumanlegg om bord. Deretter står «Midnattsol» i kø.

– Me skal gjera eit arbeid på landstraumanlegg. Me skal gjera arbeid på hovudtavla, og leggja tjukke kablar til noko som minnar om enorme stikkontaktar, fortel dagleg leiar Rune Kolbeinsvik i Austevoll Elektro til Marsteinen. Hurtigruteskipet vert liggjande i halvanna veke, og vert etterfølgd av «Midnattsol», der det same arbeidet skal gjennomførast.

Landstraum vert nytta som eit energi- og miljøretta tiltak for skip som ligg ved kai, som erstatting for å ha i gang hovud-, hjelpemotorar eller generatorar.

Austevoll elektro vil ikkje utdjupa storleiken på kontrakten med Hurtigruten, men Kolbeinsvik synest det er spanande med storfint besøk.

«Trollfjord» vert etterfølgd av «Midnattsol», som `og skal få austevollsk landstraumanlegg om bord. Foto: Wenche Toft/ Austevoll forlag.