Politiet måtte rykka ut til noko som utvikla seg til ei dramatisk hending på sjøen i natt.
Politiet måtte rykka ut til noko som utvikla seg til ei dramatisk hending på sjøen i natt.

Rykte ut til rusa båtkøyring

Det kunne gått riktig ille for den rusa båtføraren som sette ut frå Barmen i natt. Etter grunnstøytting og røykutvikling om bord fekk politiet teke hand om mannen.

Natt til onsdag kasta ein rusa mann loss frå Barmen i ein større fritidsbåt, med kurs mot Marstein fyr. Politifyrstebetjent Vidar Mjåtvedt fortel at dei måtte trykkja på den raude knappen etter at fartøyet grunnstøytte og det var røykutvikling om bord.

– Me fekk meldinga om ruskøyringa klokka 03:33. Me rykte ut og fekk raskt assistanse frå ambulansebåt og private fartøy, mellom anna gjennom kontaktar i det lokale brannvesenet, seier Mjåtvedt til lokalavisa. Redningsskøyta kom òg til etterkvart.

Politiet fekk etterkvart kontroll på båtføraren, som ikkje skal vera heimehøyrande i Austevoll, etter ei kort forhandling medan båten låg på rek. Mannen vart sjekka av helsepersonell, før han vart ført til arresten i Bergen. Vedkommande er meldt for ruskøyring i båt. Fartøyet er det teke beslag i, opplyser austevollpolitiet.