Adrian

Fengsla av skjermen

Adrian
Adrian Lervåg Skår (30) var ikkje store guten då han lærte seg engelsk gjennom dataspelet Monkey Island. I dag har han mastergrad i Computer Games Art, og er faglærar på 3D-spellinja ved Noroff i Oslo.

Data var ein viktig del av oppveksten til dei tre brørne Lervåg Skår på Eidsbøen. Den fyrste PC’en som kom i hus, var øyremerka eldstebror Rune, som er tolv år eldre enn Adrian. Då Rune, som utdanna seg til dataingeniør, nokre år seinare fekk seg ny maskin, var det nestemann i rekkja, Vidar, som overtok Rune sin fyrste PC.
– Fyrst då Rune fekk den tredje datamaskinen sin, overtok eg den fyrste.
Slik fungerte hierarkiet. Men så gale var det ikkje, at ikkje Adrian fekk sysla litt med dataspela til storebror. Monkey Island var tingen, og for å komma seg fram i spelet, må ein forstå kva det går ut på – ergo må ein kunna engelsk.
– Eg skreiv ned på post-it-lappar ting eg lurte på, og spurte foreldra eller brørne mine kva det betydde.
Då han byrja i fyrsteklassen var han så god i engelsk at læraren lurte på om familien hadde budd i utlandet.
– Det høyres kanskje litt klisjé ut, men eg har lært utruleg mykje gjennom dataspel, og då spesielt World of Warcraft. Ein sit inne åleine, verkar usosial overfor dei rundt deg, men får kontakt med folk på motsett side av kloten. Ved å snakka saman over mikrofon, både finpussar ein språket og vert komfortabel med å snakka engelsk.
Når rutinerte dataspelarar skriv til kvarandre i chatte-vindauget i staden for å snakka saman, nyttar dei derimot eit eige gaming-språk.
– Det er ei gjørme av eit språk, og inneheld mange forkortingar. Fleire av desse er henta frå onlinespel, så ein må nesten vera gamer for å forstår dei. Du må skriva kjapt når du skriv med det same tastaturet som du speler med, forklarar Adrian.

Les heile saka i Marsteinen på papir eller PDF.